【COLLAR成員】陳泳伽最單曲講追夢　Winka：我相信努力不會白費

繼三月推出個人單曲《一手造成》，在網上點擊突破百萬後，女團COLLAR成員Winka（陳泳伽）推出新歌《奇異小姐》，今次新歌不再談情，反而以勵志為題，主要講「追夢」，無論遇上幾多挫敗也好，只要堅持着、不斷嘗試，終歸可以達成目標，就如Winka的音樂路一樣，經常遇上挫敗，但她依然屢敗屢戰，勇往直前。

【COLLAR成員】許軼憶與隊友齊出埠感開心　Day四眼look出席活動：好舒服

《奇異小姐》講追夢

新歌《奇異小姐》MV，透露一個戲劇演員的故事，從而帶出永不放棄，追求夢想的訊息，Winka表示：「面對自己追求嘅嘢，好多時喺過程都會遇上挫敗，可能因為不成熟，或者未有經驗，所以未得到成功，但只要堅持，就算帶點儍氣，亦會有人懂得欣賞。」

▼點擊圖片放大

+4

+3

Winka曾歷聲帶受傷

提起挫敗，Winka自言經常會遇上：「可能我對自己要求比較高，亦希望身邊嘅人會鍾意自己嘅嘢及音樂作品，但好多時覺得做得唔夠好而有挫敗感。」

音樂路上，Winka表示最大一次挫敗，莫過於聲帶受傷，她謂：「曾經因為聲帶受傷而唱唔到高音，嗰時嘅我，係要逐個Key去練番，差不多花逾半年時間先練番以前嘅聲線，而呢件事，對於我喺今次首歌上，有好大啟發，就算挫敗過，只要唔好放棄，搵適合方法，加一點時間去重拾步伐。我相信努力不會白費，上天及身邊人一定會睇到。」

▲ Winka推出第2首個人單曲《奇異小姐》。（發相）

Winka預告再有新歌

問到Winka剛完成團歌《idc》後，緊接便推出個人歌曲《奇異小姐》可感壓力？

Winka指：「做團歌好開心，可以做到不同嘅作品畀大家，可以話係期待已久，唔覺得有壓力，呢段時間推出團歌再加自己歌，成件事感覺好圓滿。」

Winka亦透露今年會推出4首單飛歌曲，餘下的兩首歌，她希望嘗試曲風上跟過往有所不同，呼籲大家密切期待。

最新影片推介：COLLAR專訪

精彩獎賞活動等您發掘：https://bit.ly/3ClEy1R